Мәктәп укучылары белән очрашу «Россия-сыйфат билгесе булган ил» девизы астында узды
Сыйфат атналыгына багышланган чаралар кысаларында Татарстан Республикасы Дәүләт алкоголь инспекциясенең Чистай территориаль органы белгече Яңа Чишмә урта гомуми белем мәктәбе укучыларының куллану грамоталылыгын арттыру буенча чара үткәрде.
Мәктәп укучыларына быел сыйфат атналыгы кысаларындагы чараларның «Россия – сыйфат билгесе булган ил» девизы астында узуы турында хәбәр иттеләр. Сыйныфтан тыш дәрес вакытында Кулланучылар хокукларын яклау турындагы закон нормаларын карадылар һәм кергән сорауларга җавап бирделәр.
Белгеч конкрет мисалларда «Кулланучылар хокукларын яклау турында» РФ Законының чынбарлыкта ничек эшләвен, кулланучы бозылган хокукны мөстәкыйль рәвештә ничек торгыза алуын, товарлар сатып алганда нәрсәгә игътибар итәргә кирәклеген аңлатты. Моннан тыш, кулланучыларның тиешле һәм тиешсез сыйфатлы товарларны алмаштыру һәм кире кайтару хокукын, интернет-кибетләр аша товарлар сатып алу кагыйдәләрен карадылар. Яшь тыңлаучылар күп кенә кызыклы фактларга гаҗәпләнделәр. Яшь булуларына карамастан, тыңлаучыларны товарда җитешсезлек табылганда Кулланучылар хокукларын яклау турында РФ Законы биргән хокукларны ничек тормышка ашырырга кирәклеге кызыксындырды.
Укучылар арасында анкета һәм викторина үткәрелде.
Чара ахырында укучыларга кулланучылар хокукларын яклау өлкәсендә төрле тематикалы материаллар тапшырылды.