«Һөнәри белем бирү үзәгендә» укыту чарасы уздырылды
Бөтендөнья сыйфат көне - ел саен уздырыла торган чара, ул ноябрьнең икенче пәнҗешәмбесендә дөньяның 80нән артык илендә билгеләп үтелә. Быел сыйфат көнен 14 ноябрьдә билгеләп үтәләр, ә Бөтендөнья сыйфат атналыгы 11-17 ноябрьгә туры килә.
Татарстан Республикасы Дәүләт алкоголь инспекциясенең Әлмәт территориаль органында әйдәп баручы белгеч-эксперт Кадрия Галиева Баулы шәһәрендә һөнәри белем бирү үзәгендә «пешекче», «азык-төлек товарлары сатучы» һәм «автомобиль йөртүче» һөнәрләре буенча белем алучы 2нче һәм 5нче урта мәктәпнең 10нчы сыйныф укучылары өчен сыйфат көненә багышланган әңгәмә үткәрде.
Балалар Россиянең заманча сыйфат системасы турында белделәр, тормыш сыйфаты, мөнәсәбәтләр, эчке базардагы товарлар һәм хезмәтләр турында сөйләштеләр.
Белгеч укучылар өчен «Грамоталы кулланучы» темасына викторина үткәрде, аның барышында катнашучылар үзләренең белемнәрен яңарттылар һәм кулланучылар хокукларын яклау өлкәсендәге яңалыкларны белделәр.
Әңгәмә ахырында балаларга мәгълүмати буклетлар тараттылар.