«Агат» сәүдә йортында консультация өстәле оештырылды
Татарстан Республикасы Дәүләт алкоголь инспекциясенең Чистай территориаль органы белгечләре Роспотребнадзорның Татарстан Республикасы буенча Чистай бүлеге белгече белән берлектә «Агат» сәүдә йортында кулланучылар хокукларын яклау турындагы законнарны аңлату буенча кулланучылар өчен консультация өстәле оештырдылар.
Чара Бөтендөнья сыйфат көненә багышланган иде. Ул ноябрьнең һәр икенче пәнҗешәмбесендә дөньяның күп кенә илләрендә билгеләп үтелә. Сыйфат атналыгы җәмәгатьчелеккә мәгълүмат җиткерү, сыйфатлы һәм конкуренциягә сәләтле продукцияне тәкъдим итү һәм күрсәтү өчен традицион сәбәп булып тора.
Сатып алучылар белән әңгәмә барышында ачыкланганча, товар сатып алганда алар беренче чиратта сыйфатлы товарлар сатып алу һәм сыйфатлы хезмәтләр алу белән кызыксыналар һәм күпләр моның өчен артык түләргә әзер.
Сатып алучыларга товарларны мәҗбүри маркировкалауның «Честный знак» милли системасы турында сөйләделәр, ул кулланучылар хокукларын яклауга, шул исәптән ялган товарларны таратуга каршы көрәшкә һәм сыйфатсыз продуктларны сатуны булдырмауга юнәлдерелгән.
Сатып алучыларның үтенече буенча, кулланучыларның тиешле сыйфатлы товарларны алмаштыру хокукын аңлаттылар, алмаштырылырга тиеш булмаган товарлар исемлеген карадылар.
Моннан тыш, кулланучыларны кызыксындырган башка мәсьәләләрне дә тикшерделәр.