Инвалидлар җәмгыятендә сыйфат атналыгы турында лекция үткәрделәр
«Сыйфат атналыгы»на багышланган чаралар кысаларында Татарстан Республикасы Дәүләт алкоголь инспекциясенең Чистай территориаль органы белгечләре Роспотребнадзорның Татарстан Республикасы буенча Чистай бүлеге белгече белән берлектә Бөтенроссия инвалидлар җәмгыятенең Татарстан республика оешмасысының Чистай шәһәр оешмасында кулланучылар хокукларын яклау турындагы законнарны аңлату буенча лекция оештырдылар.
Бөтендөнья сыйфат көнен бәйрәм итүгә багышланган чаралар Россия продукциясен җитештерүне үстерү, үзебезнең товарларның һәм хезмәтләрнең сыйфаты, халыкның үзебезнең кулланучылар базарында продукциянең куркынычсызлыгы һәм сыйфаты өлкәсендә грамоталылык дәрәҗәсен күтәрү мәсьәләләренә игътибарны җәлеп итәргә тиеш һәм үз сайлавы белән базарны формалаштыручы җитештерүчеләр, сәүдә челтәрләре һәм кулланучылар арасында ачык диалог мәйданчыгына әверелергә тиеш. Тормыш сыйфатын яхшырту чараларына мохитне цифрлаштыру, сәламәт яшәү рәвеше, акыллы куллану һәм талантларны үстерү мөмкинлекләре, туклану культурасын, гигиена һәм санитарияне арттыру, экологик проектлар һәм башкалар керә.
Очрашуда катнашучылар белән җирле азык-төлек продукциясенең сыйфаты һәм кулланучылар базарында күрсәтелә торган хезмәтләрнең сыйфаты турында фикер алыштылар, җәмгыять әгъзалары очраган бәхәсле ситуацияләрне карадылар.
Чара барышында катнашучылардан килгән башка сорауларны да тикшерделәр.