Студентлар өчен тематик сәгать үткәрделәр
Соңгы дистә елларның һичшиксез казанышы булып Россия гражданнарына тулы кыйммәтле кулланучылар хокуклары биреп кенә калмыйча, аларны гамәлгә ашыру механизмын да ныгыткан закон кабул итү тора. Дәүләт тарафыннан дәүләт һәм муниципаль органнар системасы төзелде һәм җайга салынып эшли, анда һәркем үз алдына куелган бурычны үти. Узган вакыт эчендә алар җитди эшләнмәләр туплаган, үзара һәм товарлар җитештерүче һәм сатучы, эшләр башкаручы, хезмәтләр күрсәтүче оешмалар белән үзара хезмәттәшлек тәҗрибәсе туплаган. Димәк, Дәүләт инде үз кулланучыларын якларга өйрәнгән, һәм хәзер эш алар артында гына кала.
Моның өчен Татарстан Республикасы Дәүләт алкоголь инспекциясенең Яшел Үзән территориаль органы белгече Тәтеш районында даими рәвештә гражданнарның куллану грамоталылыгын яхшыртуга юнәлдерелгән, көндәлек эшләрдән аерылмыйча гына консультацияләр алу мөмкинлеге бирә торган чаралар үткәрә.
Бөтендөнья сыйфат атналыгы кысаларында Татарстан Республикасы Дәүләт алкоголь инспекциясенең Яшел Үзән территориаль органы хезмәткәре Елена Сазонова «Тәтеш авыл хуҗалыгы техникумы» студентлары өчен чара үткәрде. Укучыларның Законлылык мәсьәләләрендә яхшы ориентлашуы, үзләренең кулланучы хокукларын дөрес яклый белүе мөһим. Соңгы вакытта сыйфат проблемасы иң мөһимнәрнең берсенә әверелде, чөнки халыкның тормыш сыйфаты нәкъ менә күрсәтелә торган хезмәтләрнең, җитештерелә торган товарларның сыйфатына турыдан-туры бәйле.
Чара «Кулланучы» һәм «Сатучы» командалары арасында интеллектуаль уен форматында узды. Балалар конкурска яхшы әзерлек күрсәттеләр. Товар сатып алганда килеп чыга торган төрле ситуацияләрне тикшереп, үзеңне ничек тотарга кирәклеген ачыклаган сорауларга бердәм җаваплар бирделәр. Чара төрле телләрдә эшләнгән кулланучылар өчен файдалы мәгълүмат тупланган буклетлар тарату белән үрелеп барды.
Чара ахырында белгеч Кулланучылар хокукларын яклау буенча нинди дә булса сораулар туган очракта теләсә кайсы граждан Татарстан Республикасы Дәүләт алкоголь инспекциясенә яисә Татарстан Республикасы буенча Роспотребнадзор Идарәсенең Тәтеш районы буенча бүлегенә консультация сорап мөрәҗәгать итә алуын искәртте.