Бөтендөнья сыйфат көне кысаларында Татарстан Республикасы Дәүләт алкоголь инспекциясенең Әлмәт территориаль органы эчке базарны үстерү һәм координацияләү бүлеге башлыгы Венера Шәрәфетдинова кулланучылар хокукларын яклау һәм кеше иминлеге өлкәсендә күзәтчелек федераль хезмәтенең Татарстан Республикасы (Татарстан) буенча идарәсе территориаль бүлегенең баш белгече Александр Зверев белән берлектә Әлмәт шәһәренең күп функцияле үзәгендә Кулланучылар хокукларын яклау мәсьәләләре буенча гражданнарга консультация бирү оештырдылар.

Бөтендөнья сыйфат көне кысаларында һәм хуҗалык итүче субъектлар вәкилләренең хокукый грамоталылыгын арттыру максатларында, Татарстан Республикасы Дәүләт алкоголь инспекциясенең Яшел Үзән территориаль органы контроль–инспекция бүлегенең әйдәп баручы белгеч-эксперты Гүзәл Гайнуллина кулланучылар өчен консультация өстәле оештырды һәм Буа шәһәрендә шәхси эшмәкәр Ф.Ф. Гадиеваның «Ризыклы» кибете хезмәткәрләре өчен укыту семинары үткәрде.

Бөтендөнья сыйфат көне кысаларында Татарстан Республикасы Дәүләт алкоголь инспекциясенең Арча территориаль органы эчке базарны үстерү һәм координацияләү бүлеге хезмәткәре «Центр-2» ҖЧҖ сәүдә объектында сатучылар белән аңлату чарасы үткәрде. Сәүдә кагыйдәләре һәм кулланучылар хокукларын яклау турындагы закон нормалары нигезендә мәгълүмат бирелде.

Соңгы вакытта Татарстан Республикасы Дәүләт алкоголь инспекциясенең Яшел Үзән территориаль органына кулланучылардан җиһаз әзерләү срогын бозуга да, җиһазның сыйфатына да шикаятьләре ешайды. Шуңа бәйле рәвештә, «Сыйфат атналыгы» кысаларында Татарстан Республикасы Дәүләт алкоголь инспекциясенең Яшел Үзән территориаль органы белгечләре Яшел Үзән шәһәрендәге җиһаз кибетендә булдылар.