Белгечләр Менделеевск муниципаль районында
Татарстан Республикасы Дәүләт алкоголь инспекциясенең Яр Чаллы территориаль органы эчке базарны үстерү һәм координацияләү бүлеге белгечләре Менделеевск районында эшмәкәрләр, сәүдә объектлары җитәкчеләре һәм сатучылар белән очрашулар уздырды. Һәр тыңлаучы «Кулланучылар хокукларын яклау турында» 1992 елның 07 февралендәге 2300-I номерлы РФ Законының (алга таба Закон) төп маддәләре белән танышты, шулай ук РФ Хөкүмәтенең 2020 елның 31 декабрендәге 2463 номерлы карары турында да мәгълүмат алды.
Белгечләр кулланучылар базары өлкәсендәге эшмәкәрләрнең сорауларына җавап бирделәр, товарларның һәм хезмәтләрнең сыйфаты турында сөйләштеләр, кулланучылар базарында сатучының да, кулланучының да хокуклары һәм бурычлары турында сөйләштеләр.
Чарада катнашучыларның барысына да Яр Чаллы территориаль органының кайнар линия телефоны эше турында хәбәр ителде: 8 (8552)71-43-03.
Мөстәкыйль өйрәнү өчен Татарстан Республикасы Дәүләт алкоголь инспекциясе тарафыннан эшләнгән буклетлар һәм брошюралар тәкъдим ителде.