Җәза турында карарны суд кабул итәчәк
Татарстан Республикасы Дәүләт алкоголь инспекциясенең Түбән Кама территориаль органы адресына алкоголь продукциясенең (спиртлы сыеклыкның) маркировкасыз һәм мәгълүмат бирмичә законсыз әйләнеше факты буенча гражданга карата тикшерү материалы керде.
Тикшерү материалларын өйрәнгәндә түбәндәгеләр ачыкланган: оператив-эзләү чараларын үткәрү барышында Россия Эчке эшләр министрлыгының Чирмешән районы буенча бүлеге хезмәткәрләре Чирмешән районында яшәүче кеше идарә иткән автомобильне туктаткан. Ул федераль махсус маркалардан һәм товар үткәрү документларыннан башка спиртлы сыеклык тутырылган һәркайсы 0,5 литр күләмендәге 16 пластик шешә ташыган. Тартып алынган продукциянең гомуми күләме 8 литр тәшкил итә.
Ачыкланган хокук бозулар факты буенча гражданинга карата РФ Административ хокук бозулар кодексының 15.12 маддәсенең 4 өлеше буенча административ хокук бозу турында эш кузгатылган (алкоголь продукциясе яки тәмәке әйберләренең Россия Федерациясе законнарында каралган мәгълүматны маркировкаламыйча һәм (яки) теркәмичә әйләнеше, әгәр мондый маркировка һәм (яки) мондый мәгълүмат теркәү мәҗбүри булса).
Эш материаллары судка тапшырылачак, анда штраф билгеләү турында карар кабул ителәчәк.