Укучылар кыйммәтле күнекмәләр һәм белемнәр алдылар
Түбән Табын мәктәбе укучылары арасында «Кулланучылар хокукларын яклау» темасына танып-белү викторинасы узды. Аны Татарстан Республикасы Дәүләт алкоголь инспекциясенең Мөслим муниципаль районындагы Түбән Кама территориаль органы хезмәткәре Гүзәл Мифтахова оештырды.
Дәрес башында укучылар кулланучылар хокукларын яклау турындагы законнарның барлыкка килү алшартлары һәм тарихы турында белделәр, «Кулланучылар хокукларын яклау турында» РФ Законының төп төшенчәләрен һәм төп нигезләмәләрен тикшерделәр, товарларны кире кайтару, алмаштыру нечкәлекләрен ачыкладылар. Чараның теоретик өлешеннән соң, укучылар әлеге тема буенча практик күнекмәләр әзерләделәр. Уен формасында балалар үзләрен дәүләт органы хезмәткәрләре ролендә сынап карадылар, практик ситуацияләрне тикшерделәр, сатып алучылар һәм сатучылар арасындагы бәхәсләрне чиштеләр.
Викторина ахырында нәтиҗәләр ясалды, ә катнашучылар кыйммәтле күнекмәләр һәм белемнәр алдылар, алар киләчәктә үз хокукларын якларга һәм сатып алуларны күңеллерәк итәргә ярдәм итәчәк.