Бары тик законнарны үтәү юлы белән генә җәзадан котылырга мөмкин
Сәүдә эшчәнлегенә тиешле рөхсәттән башка спиртлы эчемлекләр белән сәүдә итү административ хокук бозу булып санала, ул штраф салуга, товарны конфискацияләүгә һәм мондый эшчәнлекне башкаруны тыюга китерергә мөмкин. Алкогольне законсыз сату ачыкланган очракта, товар тартып алынырга, ә сатучы административ җаваплылыкка тартылырга мөмкин.
Россия Эчке эшләр министрлыгының Зәй районы бүлеге хезмәткәрләре гражданинның торак булмаган бинадан 100 мл күләмендә спиртлы сыеклыкны законсыз сату фактын ачыклаган. Бүлмәне карау барышында косметик лосьон, этил спирты кебек спиртлы сыеклыклар да табылган. Полиция хезмәткәрләре алкогольне законсыз сатуны документлаштырган. Күрсәтелгән спиртлы сыеклыкның гомуми күләме 21,876 литр, гомуми суммасы 17 600 сум, товар гражданнан тартып алынган һәм Татарстан Республикасы Дәүләт алкоголь инспекциясенең Түбән Кама территориаль органына тапшырылган. Зәйлегә карата РФ КоАП «Эшмәкәрлек эшчәнлеген дәүләт теркәвеннән башка яки махсус рөхсәттән (лицензиядән) башка гамәлгә ашыру» турында 14.1 маддәсенең 2 өлеше буенча административ хокук бозу беркетмәсе төзелде. Тартып алынган алкоголь үрнәкләре ГОСТка туры килү-килмәүне тикшерүгә һәм кулланучылар тормышы һәм сәламәтлеге өчен куркыныч тудыруны билгеләүгә озатылган. Штраф билгеләү турындагы карарны шәһәр суды кабул итәчәк.
Бары тик законнарны үтәү һәм сәүдә эшчәнлеген гамәлгә ашыруга тиешле рөхсәтләр алу юлы белән генә җәзадан котылырга мөмкин.