Җирле үзидарә органнары белгечләре өчен укыту семинары үткәрелде
Процесслы чаралар комплексын гамәлгә ашыру кысаларында Татарстан Республикасы Дәүләт алкоголь инспекциясенең Чистай территориаль органы белгече Әлки районы җирле үзидарә органнары белгечләре өчен кулланучылар хокукларын яклау мәсьәләләре буенча укыту семинары үткәрде.
Семинарда кулланучылар базарының социаль әһәмиятле секторларында кулланучылар хокукларын яклау өлкәсендәге актуаль мәсьәләләр турында фикер алыштылар.
Муниципаль хезмәткәрләргә 2020 елның 18 мартындагы 56-ФЗ номерлы Федераль законның инвалидлар, өлкән яшьтәге затлар, балалар хокукларын яклауның махсус чараларын билгели торган нормалары аңлатылды. Административ хокук бозулар турында Россия Федерациясе кодексының 14.8 статьясындагы 5 өлеше сатучының (башкаручының) кулланучыга товарлар (эшләр, хезмәтләр) бирүдән яисә алардан файдаланудан баш тарткан өчен, аның сәламәтлеге торышына, тереклек эшчәнлеген чикләүгә, яшенә бәйле сәбәпләр аркасында, мондый баш тарту законлы нигезләр белән дәлилләнгән очраклардан тыш, административ җаваплылыгын күздә тота.
Югарыда күрсәтелгән закон, барыннан да элек, сатучыларны, башкаручыларны әлеге категория кулланучыларның хокукларын үтәүгә стимуллаштыруга, шулай ук аларга «Кулланучылар хокукларын яклау турында»гы закон нигезләмәләрендә билгеләнгән гарантияләр белән беррәттән аларның хокукларын яклауның өстәмә гарантияләрен бирүгә юнәлдерелгән.
Танышу өчен белгечләргә «Вестник потребителя Татарстана» газетасының номерлары һәм кулланучылар хокукларын яклау өлкәсендә төрле тематикалы буклетлар тапшырылды.