Сукырлар җәмгыятенең җирле оешмасында лекция үткәрделәр
Халыкара мөмкинлекләре чикләнгән кешеләр көненә багышланган чаралар кысаларында Татарстан Республикасы Дәүләт алкоголь инспекциясенең Чистай территориаль органы белгечләре Бөтенроссия сукырлар җәмгыятенең Чистай җирле оешмасында кулланучылар хокукларын яклау турындагы законнарны аңлату буенча лекция үткәрделәр.
Чара башында катнашучыларны Халыкара инвалидлар көне белән котладылар, без аны ел саен 3 декабрьдә билгеләп үтәбез. Аннары Инвалидлар декадасында уздырыла торган чаралар турында сөйләделәр, анда гадәттәгечә сәламәтлекләре начар булган кешеләр генә түгел, теләге булган һәркем катнаша. Бу чаралар беренчеләре өчен - үз ихтыяҗлары һәм проблемалары турында белдерү өчен сәбәп, икенчеләре өчен – ярдәм тәкъдим итү һәм ярдәм күрсәтү мөмкинлеге. Инвалид кешеләрнең җәмгыять тормышында тулы канлы катнашуы, аларның хокукларын яклау, шулай ук бу процесска мөмкин кадәр күбрәк аңлаучы кешеләрне җәлеп итү - менә бу еллык вакыйганың төп сәбәбе.
Чара барышында җәмгыять әгъзаларына товарда һәм эштә кимчелекләр ачыкланганда кулланучыларның хокуклары, товарның кимчелекләренә карата таләпләр кую сроклары, тиешле һәм тиешсез сыйфатлы товарны алмаштыру тәртибе, шулай ук товарларны дистанцион ысул белән сатып алганда кулланучыларның хокуклары җентекләп аңлатылды.
Йомгаклап, «Коррупциягә каршы тору турында»гы Федераль законның кайбер нормалары һәм Татарстан Республикасы Дәүләт алкоголь инспекциясе компетенциясенә караган башка мәсьәләләр каралды.