Айша авыл җирлегендә укыту семинары узды
Халыкара коррупциягә каршы көрәш көненә багышланган чараларны үтәү йөзеннән, Татарстан Республикасы Дәүләт алкоголь инспекциясенең Яшел Үзән территориаль органының эчке базарны үстерү һәм координацияләү бүлеге белгечләре Айша авыл җирлеге башкарма комитеты хезмәткәрләре белән профилактик әңгәмә оештырдылар.
«Кулланучылар хокукларын яклау турында» 1992 елның 07 февралендәге 2300-1 номерлы Россия Федерациясе Законының 44 статьясы нигезендә җирле үзидарә органнары:
- кулланучыларның мөрәҗәгатьләрен карарга, кулланучылар хокукларын яклау мәсьәләләре буенча аларга консультация бирергә;
- кулланучылар (кулланучыларның билгесез даирәсе) хокукларын яклап судларга мөрәҗәгать итәргә һ. б. башкарырга хокуклы.
Башкарма комитет хезмәткәрләренә «Кулланучылар хокукларын яклау турында» 1992 елның 07 февралендәге 2300-1 номерлы Россия Федерациясе Законының төп нигезләмәләре һәм ваклап сату-алу шартнамәсе буенча сату кагыйдәләре аңлатылды.
Халыкара коррупциягә каршы көрәш көне алдыннан коррупция юнәлешендәге хокук бозуларны профилактикалау, ачыклау һәм булдырмау мәсьәләләре кузгатылды. Коррупциягә каршы көрәш көнендә без үзебезгә һәм тирә-юньдәгеләргә бу җимергеч күренешкә каршы көрәшүнең мөһимлеген искә төшерәбез. Бу гаделлек, тигезлек һәм җәмгыять үсеше өчен куркыныч тудыра, ул хакимият институтларына ышанычны какшата, икътисадны җимерә һәм социаль гаделсезлеккә китерә. Башкарма комитет хезмәткәрләренә авыл җирлекләренең, ведомство буйсынуындагы учреждениеләрнең мәгълүмат стендларында коррупциягә каршы көрәш мәсьәләләре буенча актуаль мәгълүмат урнаштырылырга тиешлеген искәрттеләр.