Чәчтарашханәдә укыту семинары оештырылды
Халыкара инвалидлар көне кысаларында Татарстан Республикасы Дәүләт алкоголь инспекциясенең Чистай территориаль органы эчке базарны үстерү һәм координацияләү бүлеге белгечләре Чистай шәһәрендә урнашкан «Л» чәчтарашханәсе хезмәткәрләре өчен укыту семинары оештырды.
Россиядә инвалидлар көне - календарьдагы дата гына түгел, ул сәламәтлек мөмкинлекләре чикле кешеләр очраткан кыенлыкларны искә төшерергә, барлык кешеләрне дә ярдәмчел булырга өндәргә тиеш. Инвалид кешеләрне җәмгыять тормышына җәлеп итү - бу еллык вакыйганың тагын бер мөһим сәбәбе. Инвалидлар көне - янәшәбездә мөмкинлекләре чикле кешеләр яшәвен, аларга башкаларга караганда авыррак булуын искә төшерү, аларга игътибар итү, сүз белән дә, эш белән дә ярдәм итү безнең бурычыбыз.
Салон хезмәткәрләренә хезмәт күрсәтү өлешендә Кулланучылар хокукларын яклау турындагы законнарны аңлату белән беррәттән, сәламәтлеге мөмкинлекләре чикләнгән кешеләргә чәчтарашханә хезмәтләрен күрсәткәндә ташламалар бирү мәсьәләсе турында да фикер алыштылар.
9 декабрьдә Халыкара коррупциягә каршы көрәш көне билгеләп үтелүен исәпкә алып, семинар барышында «Вөҗдан һәм намус белән яшәү» темасына кагылышлы мәсьәләләр каралды.