Алексеевск күпфункцияле үзәгендә гражданнарга консультация үткәрделәр
Инвалидлар декадасы кысаларында Татарстан Республикасы Дәүләт алкоголь инспекциясенең Чистай территориаль органы хезмәткәрләре Роспотребнадзорның Татарстан Республикасы буенча идарәсе вәкилләре белән берлектә Алексеевск бистәсендәге күпфункцияле үзәктә кулланучылар хокукларын яклау өлкәсендәге законнар мәсьәләләре буенча гражданнарга консультацияләр үткәрделәр.
Чарада катнашучыларга сатып алынган товарда яисә күрсәтелгән хезмәттә җитешсезлек ачыкланганда һәм кулланучылар бәхәсләрен хәл итү ысулларында кулланучылар хокукларын яклау өлкәсендә законнар белән бирелгән хокукларны гамәлгә ашыру механизмнары аңлатылды. Гражданнарга товарның сыйфаты, продукцияне маркировкалау, техник яктан катлаулы товарларны сату кагыйдәләре, транспорт һәм финанс хезмәтләре күрсәтү кагыйдәләре буенча консультацияләр бирелде.
Моннан тыш, гражданнарга кулланучылар хокукларын яклау белгечләренә кызыксындырган сорауларны бирү, актуаль темалар буенча белешмәләр белән танышу, шулай ук товар сатучы яисә хезмәт күрсәтүче белән бәхәсле вәзгыятьне хәл итү өчен кирәкле дәгъвалар һәм башка документлар әзерләүдә ярдәм алу мөмкинлеге бирелде.
Моннан тыш, чарада катнашучыларга 2024 елның 9 декабрендә Халыкара коррупциягә каршы көрәш көнен билгеләп үтүебезне искә төшерделәр һәм «Коррупциягә каршы көрәш турында» Федераль закон нормаларын аңлаттылар.
Барлык теләүчеләргә кулланучылар хокукларын яклау һәм коррупциягә каршы тору өлкәсендә мәгълүмати материаллар таратылды.