Социаль хезмәткәрләр белән әңгәмә үткәрелде
Декабрь башы гадәттәгечә «инвалидлар декадасы» буларак билгеләп үтелә. Бу көннәрдә игътибарны теләсә кайсы кешенең хокукларын тулысынча һәм тигез саклауга һәм инвалидларның җәмгыять тормышында тулы канлы катнашуына юнәлтү кабул ителде. Татарстан Республикасы Дәүләт алкоголь инспекциясенең Арча территориаль органында әйдәп баручы белгеч-эксперты Балтач муниципаль районының «Наз» үзәгендә ялгыз картларны һәм инвалидларны караучы социаль хезмәткәрләр белән әңгәмә үткәрде.
Катнашучыларны Татарстан Республикасы Дәүләт алкоголь инспекциясе вәкаләтләре дә, кулланучылар хокукларын яклау турындагы законнарның гамәлдә булу өлкәсе дә, кулланучылар хокукларын яклауны җайга сала торган норматив актлар да кызыксындырды. Мөмкинлекләре чикләнгән кешеләрнең проблемаларына җәмгыятьнең мөнәсәбәте, инвалидларга мораль һәм матди ярдәм күрсәтү, иҗтимагый тормышның барлык өлкәләрендә аларның потенциалын гамәлгә ашыру өчен шартлар тудыру мәсьәләләренә игътибар бирелде. Кешеләр кызыксынып тыңладылар һәм сөйләшүдә актив катнаштылар, борчыган сораулар буенча киңәшләштеләр.
Чарада катнашучыларга мәгълүмати материал һәм «Вестник потребителя Татарстана» газетасы таратылды.