Кулланучы, үз хокукларыңны бел
Татарстан Республикасы Дәүләт алкоголь инспекциясенең Казан территориаль органы башлыгы урынбасары Рәфыйк Гыйззәтов «2014-2025 елларга Татарстан Республикасында кулланучылар хокукларын яклауның комплекслы системасын үстерү» ярдәмче программасын гамәлгә ашыру һәм укучылар арасында кулланучылар хокукларын яклау турындагы законнарны популярлаштыру, аларда грамоталы кулланучылар тәртибенең хокукый белемнәрен һәм практик күнекмәләрен формалаштыру кысаларында, Казан шәһәренең 9 нчы урта мәктәбенең 9 нчы сыйныф укучылары белән дәрес үткәрде.
Кулланучылар хокукларын яклау турындагы законнар укучылар игътибарына гамәли яктан тәкъдим ителгән иде, тормыштан мисаллар китерелде, анда укучылар фикер йөрттеләр: бу очракта кем кулланучы булып тора, әлеге очрак кулланучылар хокукларын яклауны регламентлаучы законнарга туры киләме һәм барлыкка килгән ситуациядән ничек чыгарга мөмкин?
Кулланучыларның нинди хокуклары закон белән регламентланган булуы турында аңлатмалар бирелде.
РФнең «Кулланучылар хокукларын яклау турында»гы законы һәркем өчен кирәк булганда файдаланырга мөмкин булган өстәл китабы булырга тиеш.