Мәктәптә «Кулланучылар - ул без» дигән темага класс сәгате үткәрделәр
Түбән Кама шәһәренең 21 нче урта мәктәбендә 7 һәм 8 сыйныф укучылары өчен сыйныф сәгате узды, аның спикеры Татарстан Республикасы Дәүләт алкоголь инспекциясенең Түбән Кама территориаль органы хезмәткәрләре булды. Очрашу «Кулланучылар - ул без» дигән темага багышланган иде һәм мөһим әңгәмә теориядән башланды, аннан практика өлешенә күчтеләр. Бу тема һәрвакыт кызыклы, танып белүчән, чөнки ул безнең көндәлек тормышыбызга кагыла. Класс сәгате барышында укучылар кулланучының хокукый статусы һәм аларны сатучы яки башкаручы бозган очракта кулланучылар хокукларын яклау турындагы мәгълүматны тыңладылар. Ә аннары укучылар алган белемнәрен практикада ныгыттылар. Аяк киеме кибетендә кулланучының спорт залы өчен кыйммәтле кроссовкалар сатып алуын, әмма ике атнадан аларның табан асты каерылып чыгу очрагын җентекләп тикшерделәр. Кулланучының бу ситуациядәге гамәлләре һәм сатучыга карата «Кулланучылар хокукларын яклау турында» РФ Законының 18 маддәсе нигезендә акчаларны кире кайтаруны таләп итеп дәгъва төзүнең дөреслеге турында фикер алыштылар.
Чара ахырында укучыларга кулланучылар хокукларын яклау буенча уздырыла торган республика олимпиадасы турында сөйләделәр, тематик буклетлар тараттылар.