Кибеттә хезмәткәрләр өчен семинар үткәрделәр
Татарстан Республикасы Дәүләт алкоголь инспекциясенең Арча территориаль органы хезмәткәрләре шәхси эшмәкәр Н.Г. Мостафинның «Ренат» кибете (Балтач районы) хезмәткәрләре өчен кулланучылар хокукларын яклау мәсьәләләре буенча укыту семинары үткәрделәр.
Кибет хезмәткәрләренә «Кулланучылар хокукларын яклау турында» РФ Законы таләпләренә һәм кибет эшчәнлегенә турыдан-туры кагыла торган сәүдә кагыйдәләренә аңлатмалар бирелде. Мәгълүмат стендында кирәкле документлар булу буенча консультацияләр, сатыла торган азык-төлек товарларына бәяләрне дөрес рәсмиләштерү һәм урнаштыру турында мәгълүмат бирелде. Сатыла торган азык-төлек товарларының сыйфатын раслаучы документлар булуга басым ясалды.
Әлеге чараны уздыру барышында сәүдә челтәренә китерелә торган азык-төлек товарларының сыйфаты, товарларның социаль әһәмиятле төркемнәренә бәяләр һәм тәкъдим ителә торган өстәмә бәяләр мәсьәләләре каралды. Сатыла торган продукциянең яраклылык сроклары, алкоголь продукциясен, шул исәптән сыра һәм сыра эчемлекләрен сату тәртибе һәм аларны сату режимы турында мәгълүмат бирелде.