Яңа Чишмә авылында «Магнит» кибетендә консультация өстәле уздырдылар
Татарстан Республикасы Дәүләт алкоголь инспекциясенең Чистай территориаль органы хезмәткәре Яңа Чишмә авылындагы «Магнит» кибетендә сатып алучылар өчен консультация өстәле уздырды. Кулланучылар хокукларын яклау өлкәсендә законнар турында сөйләштеләр.
Чара барышында кулланучыларга Кулланучылар хокукларын яклау турындагы законнар нормалары аңлатылды, шулай ук «Кулланучылар хокукларын яклауның комплекслы системасын үстерү» процесслы чаралар комплексы турында мәгълүмат җиткерелде, аның бурычларының берсе кулланучылар хокукларын яклау мәсьәләләрендә халыкның хокукый грамоталылыгын һәм мәгълүматлылыгын арттыру һәм кулланучылар хокукларын яклау турындагы законнар таләпләрен үтәү.
Кызыксынган гражданнарга товарда җитешсезлекләр табылганда кулланучылар буларак аларның хокукларын, сатучыга товарның җитешсезлекләренә карата таләпләр кую срокларын һәм кулланучының аерым таләпләрен канәгатьләндерү срокларын аңлаттылар. Бәхәсле мәсьәләләрне судка кадәр җайга салу өчен товар сатучыга дәгъва белдерү тәртибе, шулай ук Кулланучылар хокукларын судта яклау механизмы турында фикер алыштылар.
Чара барышында кулланучыларга Кулланучылар хокукларын яклау өлкәсендә мәгълүмат белән буклетлар рәвешендә белешмәләр тәкъдим иттеләр.