Куллану белемнәрен тормышта куллана белү бик мөһим
Татарстан Республикасы Дәүләт алкоголь инспекциясенең Түбән Кама территориаль органы контроль-инспекция бүлегенең әйдәп баручы белгеч-эксперты Румия Сөләйманова тарих һәм җәмгыять белеме укытучысы белән берлектә «Кулланучылар хокуклары» дип аталган темага танып белү сәгате үткәрделәр. Чара барышында Чирмешәннең 1 нче урта мәктәбе укучылары мондый сорауларга җаваплар алдылар:
- кулланучы кем ул?
- ни өчен кулланучы хокукларын якларга кирәк?
- аларның хокукларын кем яклый ала?
- кулланучылар хокукларын яклау буенча Россия законнары системасы турында белделәр.
Укучыларга теләсә кайсы сатып алучы булырга мөмкин булган ситуацияләр тәкъдим иттеләр. Балалар мондый очракларда ничек эш итәргә кирәклеге турында киңәшләр бирделәр. Экологик чиста энергияне һәм продукцияне күчерү һәм куллану мөмкинлекләренә аерым игътибар бирелде. Әлеге тематика буенча видеороликлар күрсәтелде.
Укучыларга бүген һәркем грамоталы кулланучы булырга, үз хокукларын яклый белергә тиеш, дип сөйләделәр. Класс сәгате азагында нәтиҗә ясадылар: кулланучы хокукларын һәм бу хокукларны саклаучы Россия законнарын беркемгә дә, үзебезнең фирмаларга да, чит ил фирмаларына да, алар нинди генә атаклы булмасын, бозарга ярамый. Ләкин закон аны кулланганда гына эшли башлый. Сатучылар безнең кулланучылар буларак хокукларыбызны үтәячәкләрме, бу бездән, безнең кулланучылар грамоталылыгыннан тора. Үз хокукларыңны белү - мөһим. Ә белемнәрне тормышта куллана белү - тагын да мөһимрәк.