Нурлат районы Башкарма комитеты белгечләре өчен укулар үткәрелде
«Кулланучылар хокукларын яклауның комплекслы системасын үстерү» процесслы чаралар комплексын гамәлгә ашыру кысаларында Татарстан Республикасы Дәүләт алкоголь инспекциясенең Чистай территориаль органы хезмәткәре Нурлат муниципаль районы Башкарма комитеты белгечләре өчен укыту семинары үткәрде.
Чара барышында «Кулланучылар хокукларын яклау турында» РФ Законының 44 маддәсен карадылар, ул муниципаль берәмлек территориясендә җирле үзидарә органнарына түбәндәге вәкаләтләрне бирә:
- кулланучылар мөрәҗәгатьләрен карарга, кулланучылар хокукларын яклау мәсьәләләре буенча аларга консультация бирергә;
- кулланучылар хокукларын (кулланучыларның билгесез даирәсен) яклап судларга мөрәҗәгать итәргә;
- кулланучылар хокукларын яклау буенча муниципаль программалар эшләргә.
Башкарма комитет хезмәткәрләре үтенече буенча товарны ваклап сату-алу килешүе буенча сатуның «Кулланучылар хокукларын яклау турында» РФ Законының 26.1 маддәсе белән көйләнә торган дистанцион ысулын җентекләп карадылар.
Уку вакытында Кулланучылар хокукларын яклау турындагы законнарның башка нормаларын да карадылар, кызыксындырган сорауларга җавап бирделәр. Мондый чаралар кулланучылар хокукларын нәтиҗәле яклау өчен уңай шартлар тудыра.