«Кулланучылар хокукларын яклау турында» РФ Законы кабул ителгән көнне викторина үткәрделәр
2025 елның 07 февралендә Татарстан Республикасы Дәүләт алкоголь инспекциясенең Арча территориаль органы эчке базарны үстерү һәм координацияләү бүлеге хезмәткәрләре "Тандер" АҖнең "Магнит" сәүдә объектында (Арча шәһәре) "Кулланучылар хокукларын яклау турында" закон кабул ителгән көнгә багышланган акция-викторина үткәрделәр.
Сәүдә объектына килүчеләргә сыйфатсыз товарлар сатучыга карата дәгъва белдерү тәртибе, сатучының кулланучы таләпләрен канәгатьләндерү сроклары, суд яклавы тәртибе турындагы актуаль сорауларга кыйммәтле киңәшләр һәм җаваплар алу мөмкинлеге туды. Кулланучылар үз хокукларын яклау турындагы законнарны белү мәсьәләләре белән викторинада катнаштылар һәм «Татарстан Республикасында кулланучылар хокукларын яклауның комплекслы системасын үстерү» процесслы чаралар комплексы логотибы белән кызыксындыру призлары алдылар.
Чара мәгълүмати-агарту буклетлары һәм территориаль орган элемтәләре белән визиткалар тарату белән үрелеп барды.
Исегезгә төшерәбез, бүлек хезмәткәрләре белән турыдан-туры аралашырга һәм бүлек компетенциясенә керә торган сораулар буенча консультацияне түбәндәге адрес буенча алырга мөмкин: 422000, ТР, Арча шәһәре, Банк урамы, 2а йорт, телефон: 884366 3-28-93.