Авыл мәктәбендә сыйныфтан тыш дәрес үткәрелде
Татарстан Республикасы Дәүләт алкоголь инспекциясенең Чистай территориаль органы консультанты Чистай-Высельки урта гомуми белем бирү мәктәбенең 9 нчы сыйныф укучылары өчен кулланучылар белемнәре нигезләре буенча сыйныфтан тыш дәрес оештырды.
Чара башында укучыларга Татарстан Республикасы Дәүләт алкоголь инспекциясе эшчәнлеге, «Кулланучылар хокукларын яклауның комплекслы системасын үстерү» процесслы чаралар комплексы нәтиҗәсендә кулланучылар базарында ирешелгән уңай нәтиҗәләр турында сөйләделәр.
Сыйныфтан тыш дәрес вакытында «Кулланучылар хокукларын яклау турында» РФ Законының II бүлеген карадылар - кулланучыларга товарлар сатканда кулланучылар хокукларын яклау.
Укучыларга товарда кимчелекләр табылганда кулланучыларның хокуклары, кулланучының товар җитешсезлекләренә карата таләпләр кую сроклары, товар җитешсезлекләрен бетерү сроклары, тиешле сыйфатта булмаган товарны алмаштыру сроклары һәм кулланучының тиешле сыйфатта булган товарны алмаштыру хокукы аңлатылды. Моннан тыш, «Кулланучылар хокукларын яклау турында» РФ Законының 17 маддәсен - кулланучылар хокукларын судта яклауны карадылар, бирелгән тема аңлаешлы булсын, өчен Татарстан Республикасы Дәүләт алкоголь инспекциясенең Чистай территориаль органы суд практикасыннан мисаллар китерделәр.