Гавами чара (фикер алышу) үткәрү турында
Татарстан Республикасы Дәүләт алкоголь инспекциясенең Казан территориаль органы хәбәр иткәнчә, 2025 елга контрольдәге субъектлар белән гавами фикер алышулар уздыру планы-графигы нигезендә Биектау муниципаль районының хуҗалык субъектлары белән алкоголь һәм спиртлы продукцияне ваклап сату өлкәсендә хокук куллану һәм административ практика мәсьәләләре буенча фикер алышу буенча гавами чара үткәреләчәк.
Чараның атамасы: алкогольле һәм спиртлы продукцияне ваклап сату өлкәсендә хокук куллану һәм административ практика мәсьәләләре буенча ачык фикер алышу.
Чараны үткәрүче контроль-күзәтчелек органы исеме: Татарстан Республикасы Дәүләт алкоголь инспекциясенең Казан территориаль органы. Докладчы - Татарстан Республикасы Дәүләт алкоголь инспекциясенең Казан территориаль органы башлыгы Егорова Марина Ивановна.
Чараны үткәрү датасы һәм вакыты: 2025 елның 20 марты - 9.00 сәгатьтә.
Чараны уздыру урыны: Биектау муниципаль районы администрациясе бинасы (Биектау тимер юл станциясе бистәсе, Кооператив ур., 5нче йорт, 1нче кат).
Чараның статусы: планлаштырылган.
Чараның кыскача тасвирламасы: алкогольле һәм спиртлы продукцияне ваклап сату өлкәсендә региональ дәүләт контролен (күзәтчелеген) гамәлгә ашырганда хокук куллану практикасы нәтиҗәләре буенча фикер алышу; ачыкланган хокук бозулар сәбәпләрен анализлау һәм гамәлдәге законнарны контрольдәге субъектларына аңлату.
Чара нәтиҗәләренең кыскача тасвирламасы: чара тәмамланганнан соң катнашучыларга кызыксындырган мәсьәләләр буенча тиешле консультацияләр һәм тәкъдимнәр биреләчәк.
Гавами чарада катнашу өчен теркәлергә һәм күрсәтелгән тематика буенча кызыксындырган сорауларны 2025 елның 19 мартына кадәр электрон адреска җибәрергә мөмкин: Marina1.Egorova@tatar.ru
Мәгълүматны 8 (843) 278 91 93 телефоны буенча ачыкларга була.