Җирле үзидарә органы белгечләре өчен укыту чарасы уздырылды
«Кулланучылар хокукларын яклауның комплекслы системасын үстерү» процесслы чаралар комплексын үтәү йөзеннән, Әлмәт территориаль органы хезмәткәрләре кулланучылар һәм хуҗалык итүче субъектлар вәкилләре өчен комплекслы күчмә чаралар оештырып, җирле үзидарә органнары белгечләре белән очрашалар. Әлеге очрашулар барышында җирле үзидарә органнары белгечләре өчен кулланучылар хокукларын яклау өлкәсендәге мәсьәләләр буенча укулар үткәрелә.
Мондый чаралар барышында «Кулланучылар хокукларын яклау турында» Россия Федерациясе Законының 44 статьясын карадылар, ул муниципаль берәмлек территориясендә кулланучылар хокукларын яклау максатларында җирле үзидарә органнарына түбәндәге вәкаләтләрне бирә:
- кулланучыларның мөрәҗәгатьләрен карарга;
- кулланучылар хокукларын яклау мәсьәләләре буенча аларга консультация бирергә;
- кулланучылар (кулланучыларның билгесез даирәсе) хокукларын яклап судларга мөрәҗәгать итәргә;
- кулланучылар хокукларын яклау буенча муниципаль программалар эшләргә.
Бөтендөнья кулланучылар хокукларын яклау көне алдыннан Әлмәт территориаль органы хезмәткәре Азнакай муниципаль районы җирле үзидарә органы белгечләре өчен укыту чарасы үткәрде. Гражданнар мөрәҗәгатьләрен кабул иткәндә кулланучылар хокукларын яклау законнарын куллану мәсьәләләре каралды, халык арасында еш барлыкка килә торган мәсьәләләргә аңлатмалар бирелде, кулланучылар өчен уртак чаралар үткәрүне планлаштырдылар. Белгечләргә кулланучылар һәм хуҗалык итүче субъектлар вәкилләре арасында тарату өчен белешмәләр һәм газеталар тапшырылды.