Мәктәп укучылары өчен «Тотрыклы яшәү рәвешенә гадел күчү» темасына лекция үткәрделәр
Бөтендөнья кулланучылар хокукларын яклау көненә багышланган чаралар кысаларында, Татарстан Республикасы Дәүләт алкоголь инспекциясенең Әлмәт территориаль органы белгечләре Лениногорск муниципаль районы Башкарма комитетының икътисад бүлегендә әйдәүче белгеч белән берлектә Лениногорск районының Тимәш урта гомуми белем бирү мәктәбендә 10, 11 сыйныф укучылары арасында «Тотрыклы яшәү рәвешенә гадел күчү» темасына лекция үткәрделәр.
Кулланучы табигать, икътисадый ресурсларны саклауга ничек йогынты ясый алганлыгы турында сөйләделәр. Һәр кулланучының роле товарлар һәм хезмәтләр сайлауга, калдыкларны киметүгә, экологик чиста продуктлар куллануга аңлы рәвештә якын килү. Кулланучы аңлы рәвештә тотрыклы продуктлар һәм хезмәтләр файдасына сайлау ясарга ярдәм итә торган мәгълүматка ия булырга тиеш.
Хезмәткәрләр укучылар белән бергә законның төп нигезләрен: кулланучы, җитештерүче, сатучы кем ул, товарның яраклылык һәм хезмәт итү срокларын, кулланучыларның төп хокукларын, гамәлдәге законнар өлкәсендә үз хокукларыңны яклау өчен кая мөрәҗәгать итәргә кирәклеген тикшерделәр. Әңгәмә барышында тәҗрибәдән мисаллар китерелде, кулланучылар мәнфәгатьләрен яклау буенча гади киңәшләр бирелде.
Лекция тәмамлангач, хезмәткәрләр укучыларга активлыклары, эшләрендә эрудицияле булулары өчен рәхмәт белдерделәр. Кулланучылар хокукларын яклау темасына мәгълүмати буклетлар һәм газеталар тапшырдылар.