Белгечләр шәһәр инвалидлар оешмасы әгъзалары өчен укыту чарасы үткәрделәр
Татарстан Республикасы Дәүләт алкоголь инспекциясенең Чистай территориаль органы һәм Роспотребнадзорның Татарстан Республикасы буенча Чистай идарәсе белгечләре Татарстан Республикасында «Бөтенроссия инвалидлар җәмгыяте» Гомумроссия иҗтимагый оешмасының Чистай шәһәр җирле иҗтимагый оешмасында кулланучылар хокукларын яклау турындагы законнарны аңлату буенча лекция оештырдылар.
Катнашучыларга быел Бөтендөнья кулланучылар хокукларын яклау көненең «Тотрыклы яшәү рәвешенә гадел күчү» девизы астында узуы турында хәбәр иттеләр. Бөтендөнья кулланучылар оешмасы барысын да табигатькә зыянны киметергә һәм киләчәк буыннар өчен шартларны яхшыртырга ярдәм итә торган тотрыклы яшәү рәвешенә күчәргә чакыра. Көн темасы катнашучыларны кызыксындырды, шуңа күрә чараның күп өлеше акыллы куллану принциплары һәм ысуллары турында фикер алышуга багышланган иде.
Җәмгыять әгъзалары белән кулланучылар хокукларын яклау турындагы гамәлдәге законнарның башка мәсьәләләрен дә карадылар. Мәсәлән, тиешле сыйфатта булмаган товарларны кире кайтару тәртибен, кулланучыларның тиешле сыйфатта булган товарларны алмаштыру хокукын һәм эшләрне башкару срокларын аңлаттылар. Моннан тыш, көнкүреш хезмәтләре күрсәтүгә шартнамәләр төзү тәртибен карадылар.
Халыкның социаль яктан зәгыйфь төркемнәренә караган кешеләргә хокукый белемнәр мошенниклар һәм намуссыз товар сатучылар корбаны булмасын өчен бик кирәк.
Мөстәкыйль өйрәнү өчен чарада катнашучыларга Кулланучылар хокукларын яклау өлкәсенә кагылышлы төрле тематикалы белешмәләр һәм буклетлар тапшырылды.