Әтнә районының Коморхуҗа авылында яшәүчеләр белән очрашу булды

2025 елның 21 марты, җомга

Татарстан Республикасы Дәүләт алкоголь инспекциясенең Арча территориаль органы башлыгы Булат Кадыйров Татарстан Республикасы Әтнә муниципаль районының Коморхуҗа авыл җирлегендә гражданнарны кабул итте. Кабул итүгә авыл һәм аның тирәсендәге авыллар гражданнары килде.

Мондый алымнар халыкның хокукый грамоталылыгын арттыру һәм кулланучылар базарында хокук бозуларны киметү максатларында үткәрелә. Кабул итүгә килгән халыкны сыйфатсыз товарлар сатып алганда кулланучылар хокуклары буенча сораулар кызыксындырды.

Чарада катнашучыларның барысына да «Кулланучы өчен белешмәлек» буклетлары, «Татарстан кулланучы хәбәрләре» газетасының чираттагы саны таратылды.