Н. И. Лобачевский исемендәге лицейда «Россия – минем офыкларым» дигән темага сыйныфтан тыш дәрес узды
КФУның Н.И. Лобачевский исемендәге лицеенда традицион «Россия – минем офыкларым» һөнәри юнәлеш бирүче сыйныфтан тыш дәрес узды.
Лицей укучылары алдында Татарстан Республикасы Дәүләт алкоголь инспекциясенең Казан территориаль органы эчке базарны үстерү һәм координацияләү бүлеге башлыгы Светлана Заботина, Татарстан Республикасының «Кулланучылар хокукларын яклау» төбәк иҗтимагый оешмасы рәисе Юлия Нигъмәтуллина чыгыш ясады.
Укучыларга социаль челтәрләрдә яшүсмерләр арасында таралган төрле мошенниклык схемалары турында сөйләделәр; бу куркыныч хәлләрдән ничек качарга; шулай да мондый тозакка «эләккән» булсалар, ничек эш итәргә кирәклеге турында сөйләделәр.
Лицей укучыларына кулланучыларның нинди хокуклары «Кулланучылар хокукларын яклау турында»1992 елның 07 февралендәге 2300-1 номерлы Россия Федерациясе Законы белән регламентлаштырылуы турында аңлаттылар.
Очрашуларда укучыларның олимпиадада катнашу мәсьәләсе күтәрелде, аның уңай яклары бар: тәҗрибә һәм белем туплау, дөньяга карашны киңәйтү.
Мөстәкыйль әзерлек укучыларга олимпиада биремнәрен үтәргә мөмкинлек бирәчәк, ә иң мөһиме, кулланучылар хокукларын яклау өлкәсендә алынган белемнәрне алар гамәлдә куллана алачак.