Укучыларның кызыксынуы зур
Татарстан Республикасы Дәүләт алкоголь инспекциясенең Арча территориаль органы эчке базарны үстерү һәм координацияләү бүлеге җитәкчесе Ләйсән Абдуллина Арча районының Иске Кырлай урта мәктәбендә сыйныфтан тыш дәрес үткәрде.
Чараның төп максаты - укучыларны «Кулланучылар хокукларын яклау турында»гы законның барлыкка килү тарихы, безнең дәүләттә кулланучының хокукый статусы белән таныштыру, көндәлек тормышта кулланучыларның хокуклары һәм законлы мәнфәгатьләренең ничек яклануын күрсәтү, хокукый тәртип күнекмәләрен формалаштыру һәм низаг килеп чыккан очракта дөрес чишелеш таба белергә өйрәтү.
«Кулланучылар хокукларын яклау» темасына олимпиада, «Кулланучылар хокукларын яклау» порталы турында мәгълүмат җиткерелде. Шулай ук территориаль органга мөрәҗәгать итү тәртибе аңлатылды, контакт белешмәләре яңгырады.
Класстан тыш дәресләрдән соң ситуацион бурычларны хәл итеп, сорау-җавап формасында викторина үткәрелде. Барлык сораулар гамәлләр алгоритмы өлешендә тикшерелде. Укучыларның бу темага кызыксынуы аларның уйлануларында һәм җавап бирүләрендә күзәтелә.
Чара ахырында катнашучыларга «Кулланучылар хокукларын яклауның комплекслы системасын үстерү» комплекслы чаралары логотибы төшерелгән кызыксындыру бүләкләре тапшырылды.