Кулланучылар хокукларын яклау мәсьәләләре буенча хуҗалык итүче субъектлар вәкилләре белән күчмә семинарлар уздырылды
Татарстан Республикасы Дәүләт алкоголь инспекциясенең Түбән Кама территориаль органы хезмәткәре Зәй районында район Башкарма комитет белгече белән берлектә хуҗалык субъектлары өчен кулланучылар хокукларын яклау, гамәлдәге законнарны үтәү мәсьәләләре буенча күчмә семинарлар үткәрде.
Хезмәткәрләр ир-атлар һәм хатын-кызлар киеме бүлекләрендә булдылар. Очрашуда кулланучылар базарының актуаль проблемалары турында фикер алыштылар. Семинарлар барышында шулай ук гражданнар да консультацияләнде. Сәүдә, Кулланучылар хокукларын яклау өлкәсендә предприятиеләр җитәкчеләрен, шәхси эшмәкәрләрне кызыксындырган сорауларга җаваплар бирелде, кулланучылар белән конфликтлы хәлләрнең конкрет мисаллары каралды, проблемаларны судка кадәр хәл итү юллары күрсәтелде. Конфликтлы хәлләрне суд тәртибендә карауга кагылышлы мәсьәләләр аңлатылды.
Дәүләт һәм муниципаль структура белгечләре сәүдә вәкилләренә Россиядә 2025 елның 1 мартыннан җиңел сәнәгатьнең яңа товарлары өчен мәҗбүри маркировкалауның өченче этабы башлануын искәрттеләр. Ул товарларның унике төркеменә, шул исәптән ир-ат һәм хатын-кыз киемнәренең кайбер позицияләренә кагыла.