Нурлатта авыл хуҗалыгы ярминкәсе узды
2025 елның 5 апрелендә Нурлат шәһәрендә язгы авыл хуҗалыгы ярминкәсе узды.
Авыл җирлекләре, район авыл хуҗалыгы товар җитештерүчеләре, шул исәптән шәхси ярдәмче хуҗалыклар, фермерлар һәм шәхси эшмәкәрләр үз продукцияләрен һәм эшләнмәләрен тәкъдим иттеләр.
Сатып алучыларга ит һәм сөт продукциясе, яшелчә, шикәр, ярма, ашлык, үсентеләр тәкъдим ителде. Моннан тыш, бал, яңа тотылган балык, тозлаулар белән сәүдә иттеләр.
Ярминкәдә Татарстан Республикасы Дәүләт алкоголь инспекциясенең Чистай территориаль органы хезмәткәре Алия Гәрәева катнашты. Шәһәр һәм район халкы һәм кунаклары кирәкле товарлар сатып алып кына калмады, ә кулланучылар хокукларын яклау мәсьәләләре буенча консультация дә алды.
Сатучыларга сыйфатлы һәм сыйфатсыз товарларны кире кайтару һәм алмаштыру мәсьәләләрен хәл иткәндә якларның хокуклары һәм бурычларына кагылышлы тәкъдимнәр бирелде, шулай ук продуктларны саклауның температура режимын һәм яраклылык срогын үтәүгә игътибар иттеләр.
Чара барышында кулланучылар мөнәсәбәтләре өлкәсендә актуаль темаларга мәгълүмати белешмәләр һәм буклетлар таратылды. Әлеге белешмәлекләрдәге мәгълүмат тар юнәлешле, бу кулланучыга Кулланучылар хокукларын яклау өлкәсендә үзен кызыксындырган мәсьәлә буенча тиз арада җавап алырга һәм аны нәтиҗәле хәл итәргә мөмкинлек бирә.