Районда комплекслы күчмә чаралар уздырылды
Татарстан Республикасы Дәүләт алкоголь инспекциясенең Түбән Кама территориаль органы хезмәткәрләре Мөслим муниципаль районында комплекслы чаралар уздырды. Эш сәфәре кысаларында берничә сәүдә объектын колачладылар, кулланучылар белән очрашулар оештырдылар.
Алкоголь продукциясен ваклап сату булган кибетләрдә белгечләр предприятие җитәкчеләренә һәм хезмәткәрләренә консультацияләр бирделәр, кулланучылар базары өлкәсендәге сорауларга квалификацияле җаваплар бирделәр. Территориаль орган хезмәткәрләре үзебездә җитештерелгән сыраның тәкъдим ителешен, эконом класслы аракыларның ассортиментын һәм бәяләрен, ваклап сату челтәрендә кертелә торган аракының бәясен өйрәнделәр.
- Азык-төлек булмаган товарлар кибетендә товарларның киң ассортименты, шул исәптән савыт-саба сатыла. Әгәр ул нинди дә булса параметрлар буенча туры килмәсә, тиешле сыйфатлы савытны кире кайтарып буламы? дип сорадылар кибеттә сатып алучылар.
Белгечләр аңлатканча, «Кулланучылар хокукларын яклау турында» РФ Законының 25 нче маддәсе нигезендә, кулланучы әлеге товар формасы, габаритлары, фасоны, төсе, күләме яки комплектациясе буенча туры килмәгән сатучыдан тиешле сыйфатлы савыт-сабаны шундый ук товарга алмаштырырга хокуклы. Әмма әйтергә кирәк, бөтен савыт-сабаны алмаштырып булмый. Шулай итеп, РФ Хөкүмәте Карары белән расланган алмаштырылырга тиешле сыйфатлы азык-төлек булмаган товарларның Исемлеге, тулысынча яисә өлешчә полимер материаллардан әзерләнгән һәм азык-төлек продуктлары белән яраклаша торган тиешле сыйфатлы савыт-саба (ашханә һәм кухня савыт-сабалары һәм кирәк-яраклары, азык-төлек продуктларын саклау һәм транспортлау өчен савыт-сабалар һәм төргәк материаллары, шул исәптән бер тапкыр куллану өчен) кире кайтарыла алмый.
Түбән Кама территориаль органы белгечләре ведомство буйсынуындагы районнарга мондый күчмә чараларны даими рәвештә гамәлгә ашыралар. Барлык кызыксындырган сораулар белән 8(8555)36-63-85, 36-63-76 телефоннарына мөрәҗәгать итәргә була.