Чистай шәһәренең инвалидлар оешмасында чара уздырдылар
Мөмкинлекләре чикләнгән кешеләрнең хокукый грамоталылыгын һәм мәгълүматлылыгын арттыру максатларында, Татарстан Республикасы Дәүләт алкоголь инспекциясенең Чистай территориаль органы белгечләре Татарстан Республикасында «Бөтенроссия инвалидлар җәмгыяте» Гомумроссия иҗтимагый оешмасының Чистай шәһәр җирле иҗтимагый оешмасында кулланучылар хокукларын яклау турындагы законнарны аңлату буенча чара үткәрделәр.
Очрашу барышында Кулланучылар хокукларын яклау турындагы закон белән җайга салына торган мәсьәләләрнең киң спектрын карадылар. Бу түләүле медицина хезмәтләре күрсәтү, товарларны дистанцион сату, товарда җитешсезлекләр табылганда кулланучының хокуклары, кулланучының товар җитешсезлекләренә карата таләпләр кую сроклары, кулланучының тиешле сыйфатлы товарлар алмашу хокукы. Моннан тыш, территориаль орган белгече тәкъдиме белән «Кулланучылар хокукларын яклауның комплекслы системасын үстерү» процесслы чаралар комплексын карадылар.
Товарлар сатып алу яки хезмәт күрсәтү мәсьәләләре буенча бәхәсле хәл килеп чыккан очракта, Татарстан Республикасы Дәүләт алкоголь инспекциясенең Чистай территориаль органына мөрәҗәгать итәргә киңәш иттеләр.