Кукмара районының Каенсар авыл җирлегендә гражданнарны кабул иттеләр
Татарстан Республикасы Дәүләт алкоголь инспекциясенең Арча территориаль органы башлыгы Булат Кадыйров һәм контроль-инспекция бүлегенең әйдәүче белгеч-эксперты Илшат Бәдретдинов Кукмара муниципаль районының Каенсар авыл җирлегендә гражданнарны кабул итте.
Алдагы кабул итү турында халыкка җәмәгать урыннарында, мәгълүмат стендларында урнаштырылган белдерүләр аша мәгълүмат бирелде.
Күчмә кабул итүнең максаты - халыкның хокукый белемен күтәрү, кулланучылар базарында хокук бозуларны киметү, кулланучылар хокукларын яклауның нәтиҗәле һәм һәркем файдалана алырлык системасын булдыру.
Халыкны төрле мәсьәләләр борчыды, шул исәптән көнкүреш билгеләнешендәге техник яктан катлаулы товарларда, аяк киемендә, мебельдә җитешсезлекләр барлыкка килгәндә кулланучылар хокуклары турында да. Кергән сорауларга гражданнар кулланучылар хокукларын яклау өлкәсендәге законнар нигезендә, бозылган хокукларны гамәлгә ашыру тәртибе турында тәфсилле җаваплар һәм аңлатмалар алды.
Чара "Татарстан кулланучылары хәбәрләре" газетасы, мәгълүмати буклетлар тарату белән үрелеп барды.