Үсентеләр сатып алу вакыты җитте
Үсентеләрне махсус сату нокталарыннан сатып алырга киңәш итәбез. Сертификацияләнгән һәм безнең төбәккә җайлаштырылган үсентеләр бары тик фәнни учреждениеләр һәм питомниклар тарафыннан гына җитештерелә.
Шуны истә тотарга кирәк: сатучы продукциягә бәяләр куярга һәм сатып алучыга үсемлекнең төре, үстерү һәм үрчетү шартлары турында барлык кирәкле мәгълүматны тапшырырга тиеш. Сатып алучы, әгәр законны бозмаса, ассортиментны ирекле өйрәнергә һәм товарны фотога төшерергә хокуклы.
Үсемлекләр алмаштырылырга һәм кире кайтарылырга тиеш булмаган товарлар категориясенә керә, әмма кимчелекләр ачыкланганда акчаны кире кайтарырга яки товарны алмаштырырга мөмкин.
Заказ алганда, кабул итү-тапшыру актына кул куяр алдыннан үсентенең сыйфатын игътибар белән тикшерегез.