Арча районының Күпербаш авылында халык белән очрашу узды
Татарстан Республикасы Дәүләт алкоголь инспекциясенең Арча территориаль органы эчке базарны үстерү һәм координацияләү бүлеге җитәкчесе Ләйсән Абдуллина Арча муниципаль районының Күпербаш авылында чираттагы тапкыр гражданнарны кабул итте.
Кабул итүгә килүчеләрне кулланучылар хокукларын яклау турындагы законнарга кагылышлы мәсьәләләр кызыксындырды, аерым алганда:
- әгәр товарга күрсәтелгән бәя кассадагы бәягә туры килмәсә, нишләргә;
- товарны алмаштырганда гарантия срогы озайтыламы;
- алдан түләнгән товарны китерү срокларын бозган очракта нишләргә һәм башкалар.
Барлык сорауларга Татарстан Республикасы Дәүләт алкоголь инспекциясе компетенциясе чикләрендә аңлатмалар бирелде. Чарада катнашучыларга танышу өчен белешмәләр тапшырылды.
Чара азагында җирле үзидарә органы хезмәткәрләре өчен семинар-укулар да үткәрелде.