Интернат-йортта яшәүчеләр белән очрашу уздырдылар
Татарстан Республикасы Дәүләт алкоголь инспекциясенең Чистай территориаль органы белгече Наталья Димитриева Яңа Чишмә интернат-йортында яшәүчеләр белән очрашу үткәрде.
Чара барышында катнашучыларга «Кулланучылар хокукларын яклау турында» Россия Федерациясе Законының төп нигезләмәләре турында мәгълүмат җиткерелде. Өлкәннәргә сыйфатсыз һәм тиешле товарлар алмаштырган очракта кулланучылар таләпләрен канәгатьләндерү сроклары турында мәгълүмат бирделәр. Формасы, габаритлары, фасоны, төсе, күләме яки комплектациясе буенча туры килмәгән тиешле сыйфатлы, алмаштырылырга тиеш булмаган азык-төлек булмаган товарлар исемлеген карадылар.
Моннан тыш, белгеч пенсионерларны мошенниклар тарафыннан законсыз гамәлләр кылу ихтималы турында кисәтте, мондый ситуацияләрдә эш итү тәртибе турында файдалы киңәшләр бирде. Аннары белгеч тыңлаучыларның сорауларына җавап бирде.
Барлык мөрәҗәгать итүчеләргә гамәлдәге законнар нигезендә консультацияләр бирелде. Мөстәкыйль өйрәнү өчен кулланучылар хокукларын яклау өлкәсендәге актуаль мәсьәләләр буенча басма продукция таратылды.