Саба районының Олы Нырты авыл җирлегендә гражданнар кабул ителде
Саба районының Олы Нырты авылында Татарстан Республикасы Дәүләт алкоголь инспекциясенең Арча территориаль органы хезмәткәрләре катнашында гражданнарны күчмә кабул итү булды.
Кабул итүгә килүчеләрне сатып алынган товарларның сыйфаты, товарларны гарантия срогы вакытында да, гарантия срогы беткәч тә кире кайтару сроклары белән бәйле сораулар кызыксындырды. Икмәк-күмәч әйберләренә һәм сөт продуктларына сәүдә өстәмәләре, кире кайтарылырга яки алыштырылырга тиеш булмаган тиешле сыйфатлы товарлар, алкоголь продукциясен сату вакытының чикләнүе турында сөйләделәр. Бирелгән барлык сорауларга аңлатмалар бирелде.
Гражданнарны кабул иткәннән соң авыл җирлеге белгечләре өчен кулланучылар хокукларын яклау мәсьәләләре буенча укулар үткәрелде. Катнашучылар бу мәсьәлә белән кызыксындылар. Чөнки алар шулай ук авыл халкы белән тыгыз эшлиләр һәм халык аларга төрле сораулар белән мөрәҗәгать итә. Закон нигезләмәләрен аңлату барышында аларны кызыксындырган сораулар яңгырады. Мисаллар рәвешендә конфликтлы ситуацияләр турында фикер алыштылар.
Чарада катнашучыларның һәрберсенә, кулланучылар грамоталылыгын арттыру өчен, бүлек реквизитлары белән буклетлар, кулланучылар өчен белешмәләр, «Вестник потребителя Татарстана» газетасы таратылды.