Теләче районының Олы Нырсы авыл җирлегендә гражданнарны кабул иттеләр

2025 елның 12 мае, дүшәмбе

Теләче муниципаль районының Олы Нырсы авылында Татарстан Республикасы Дәүләт алкоголь инспекциясенең Арча территориаль органы башлыгы Булат Кадыйров катнашында гражданнарны күчмә кабул итү узды. Алкоголь продукциясен сату, кулланучылар хокукларын яклау мәсьәләләре буенча фикер алыштылар.

Кабул итү барышында барлык мөрәҗәгать итүчеләргә Кулланучылар хокукларын яклау турындагы законнар нигезендә җаваплар бирелде.

Территориаль орган хезмәткәрләре авыл җирлеге территориясендә эшкуарлык эшчәнлеге алып баручы сәүдә объектларында булдылар. Кулланучылар базары өлкәсендә хокук бозуларны кисәтү максатларында сәүдә кагыйдәләре нигезендә тәкъдимнәр бирелде.