Кулланучылар өчен консультация үткәрелде
Халыкның хокукый грамоталылыгын арттыру, кулланучыларның законлы мәнфәгатьләрен яклау максатларында Татарстан Республикасы Дәүләт алкоголь инспекциясенең Чистай территориаль органы һәм Роспотребнадзорның Татарстан Республикасы буенча идарәсе белгечләре Алексеевск бистәсендәге «Пятерочка» кибетендә кулланучылар хокукларын яклау мәсьәләләре буенча консультация өстәле оештырдылар.
Кулланучыларга базарның төрле өлкәләрендә консультацияләр бирделәр. Иң күп сораулар бәяләр кую, азык-төлек продуктларына бәяләр үсеше һәм кассада исәпләгәндә товарга бәяләр туры килмәгән очракта гамәлләр алгоритмы турында килде. Моннан тыш, кулланучыларны сыйфатсыз товар сатып алган очракта, шул исәптән товарларны дистанцион ысул белән сатып алганда, сатучыларның гамәлләренә шикаять бирү тәртибе кызыксындырды. Барлык теләүчеләргә кулланучылар хокукларын яклау өлкәсендәге законнарны аңлаткан белешмәләр һәм буклетлар тапшырылды.
Чара барышында кибет сатучыларына идентификация чаралары белән маркировкаланырга тиешле товарларны сатканда закон таләпләре аңлатылды.