Белгечләр өлкән сыйныф укучылары өчен лекция үткәрделәр
Кулланучылар хокукларын яклау мәсьәләләрендә хокукый компетентлык булдыру өчен уңай шартлар тудыру максатларында, Татарстан Республикасы Дәүләт алкоголь инспекциясенең Чистай территориаль органы һәм Роспотребнадзорның Татарстан Республикасы буенча идарәсе белгечләре Алексеевскиның 3 нче урта мәктәбендә өлкән сыйныф укучылары өчен лекция үткәрделәр.
Дәресләрнең максаты - укучыларның кулланучылар хокукларын яклау өлкәсендә белемнәрен формалаштыру, кулланучыларның үз-үзләрен рациональ тотышын формалаштыру, интуицияне, мөстәкыйльлекне, фикерләүнең сыгылмалылыгын үстерү.
Чарада катнашучыларга Кулланучылар хокукларын яклау өлкәсендәге законнарда бирелгән кулланучылар белемнәренең нигезләре аңлатылды. Балаларга алган белемнәрен ныгытырга анкета ярдәм итте.
Лекциядә катнашучылар үзләре өчен кызыклы һәм бик мөһим мәгълүмат алдылар, актив рәвештә сораулар бирделәр.
Чара ахырында кулланучылар өчен төрле тематикалы буклетлар тараттылар.