Биектау районының Алат авыл җирлегендә гражданнарны кабул иттеләр
2025 елның 13 маенда Татарстан Республикасы Дәүләт алкоголь инспекциясенең Казан территориаль органы башлыгы Марина Егорова Татарстан Республикасы Биектау муниципаль районының Алат авыл җирлегендә гражданнарны кабул итте.
Авыл халкы үзләрен кызыксындырган проблемалар буенча консультацияләр алды, алар нигездә сәүдә өлкәсенә кагыла иде:
- сыйфатсыз товар өчен түләнгән сумманы кире кайтару,
- сыйфатсыз күрсәтелгән хезмәт,
- товар турында тулы булмаган мәгълүмат бирү,
- гарантияле ремонт үткәрү сроклары һ. б.
Күчмә кабул итүләр вакытында уздырыла торган мондый очрашулар форматы инде традициягә әверелде. Авылларда күчмә кабул итүләргә һәрвакыт ихтыяҗ зур – алар гражданнарга авылдан читкә чыкмыйча гына күп мәсьәләләрне урында хәл итәргә мөмкинлек бирә.
Чара барышында катнашучыларга кулланучылар хокукларын яклау өлкәсендә гамәлдәге законнарга аңлатмалар язылган буклетлар таратылды.