Арча районының Апаз авыл җирлегендә гражданнарны күчмә кабул иттеләр
2025 елның 10 июнендә Татарстан Республикасы Дәүләт алкоголь инспекциясенең Арча территориаль органы башлыгы Булат Кадыйров һәм Татарстан Республикасы Дәүләт алкоголь инспекциясенең Арча территориаль органы эчке базарны үстерү һәм координацияләү бүлеге башлыгы Ләйсән Абдуллина катнашында Арча муниципаль районының Апаз авылында гражданнарны күчмә кабул итү булды.
Гражданнарны күчмә кабул итү турында халыкка җәмәгать урыннарында һәм мәгълүмат стендларында урнаштырылган белдерүләр аша хәбәр ителгән иде.
Шунысын да билгеләп үтәргә кирәк, гражданнарны кабул итү дәүләт органнары һәм гражданнар арасында диалог кыры булдырырга һәм халыкның хокукый грамоталылыгын арттырырга мөмкинлек бирә.
Чарада җирлек территориясендә эшчәнлек алып баручы гражданнар һәм хуҗалык субъектлары вәкилләре катнашты.
Чара барышында килгән мәсьәләләр нигездә техник яктан катлаулы сыйфатсыз товарлар сатып алуга кагылды. Шулай ук сыйфатсыз аяк киеменә таләпләр кую сроклары, тиешле сыйфатлы триммерны алмашу һ.б. турында сораулар буенча гамәлдәге законнар нигезендә җентекле җаваплар бирелде. Чарада катнашучыларның һәрберсенә, кулланучылар грамоталылыгын киңәйтү өчен, «Кулланучылар өчен белешмәләр» буклетлары, бүлек реквизитлары белән визиткалар һәм «Татарстан кулланучысы хәбәрләре» газетасы таратылды.