Хокук бозуларны профилактикалау һәм кулланучыларга мәгълүмат бирү турында

2025 елның 18 июне, чәршәмбе

Әлмәт территориаль органы белгече 2025 елның 7 июнендә Лениногорскида узган традицион халык бәйрәме Сабантуйда катнашты. Катнашуның максаты - гражданнарның хокукый грамоталылыгын арттыру һәм кече бизнес субъектларына мәгълүмат бирү. Белгеч сатучылар һәм бәйрәмгә килүчеләр белән индивидуаль әңгәмәләр үткәрде, «Кулланучылар хокукларын яклау турында»гы закон нигезләмәләрен аңлатты. Консультацияләр һәм хокукларны яклау сорап мөрәҗәгать итү өчен контакт мәгълүматлары булган  буклетлар таратылды. Мондый чаралар хокукый культураны үстерүгә, сәүдәдә һәм хезмәт күрсәтүләрдә хокук бозуларны булдырмауга ярдәм итә.