Укучыларны кулланучылар белеме нигезләренә өйрәттеләр
Татарстан Республикасы Дәүләт алкоголь инспекциясенең Әлмәт территориаль органы белгече Наталья Платонова Ю. Гагарин исемендәге китапханәдә «Татарстанда җәй» проекты кысаларында кече сыйныф укучылары өчен тематик дәрес үткәрде.
Чараның максаты - балаларда куллану белеме нигезләрен булдыру. Сатып алучы буларак үз хокукларын белү өлкәннәр өчен генә мөһим түгел. Башлангыч мәктәп яшеннән балалар куркынычсыз һәм аңлы куллануның база кагыйдәләрен аңлый ала һәм аңларга тиеш тә.
Дәрес интерактив формада «Беренче класслы сатып алучы» исеме астында узды. Уен шартларында, балаларга таныш һәм билгеле товарлар —уенчыклар, сок һәм блокнот пачкалары кулланып, мәктәп укучыларына үзләрен «супер-сатып алучылар» ролендә сынап карарга тәкъдим ителде.
Очрашу барышында балалар белгеч белән бергә гади, әмма мөһим кагыйдәләр төзеделәр:
- товар турындагы мәгълүматка һәм аның сыйфатына игътибар итәргә,
- сатып алуны раслау буларак, чекны һәрвакыт сакларга,
- товар белән проблемалар булганда хәбәр итәргә, курыкмаска һәм үз хокукларыңны якларга,
- сатып алыр алдыннан аңлы сайлау ясарга.
Чара азагында һәр катнашучы кулланучылар хокуклары турында файдалы мәгълүмат белән белешмә алды.
Мондый очрашулар уен һәм мавыктыргыч формада балаларда җаваплы кулланучылар тәртибенә нигез салырга мөмкинлек бирә, бу хәзерге вакытта аеруча актуаль.