Кулланучы тиешле сыйфатлы граждан коралын алмаштырырга хокуклы түгел
Татарстан Республикасы Дәүләт алкоголь инспекциясенең Чистай территориаль органына Чистай шәһәрендә яшәүче мөрәҗәгать итте. Аны тиешле сыйфатлы пневматик корал өчен акчаны кире кайтару мөмкинлеге турындагы мәсьәлә кызыксындыра.
Ачыкланганча, ир-ат берничә көн элек базарда шәхси эшмәкәрдән «Воздушка» дип аталган пневматик корал сатып алган. Ләкин ул товардан канәгать булмый, чөнки коралның еракка ату дәрәҗәсе һәм максатны зарарлау дәрәҗәсе аны канәгатьләндерми.
Кулланучы сатучыга акчаны кире кайтаруны таләп итеп мөрәҗәгать иткән, ләкин аның таләбе кире кагылган. Дөрес, аннары сатучы барыбер товарны кабул иткән, ләкин аны сатканнан соң гына акчаны кире кайтару шарты белән. Бу кулланучыга ошамый һәм ул гамәлдәге законнарны аңлатуны сорап белгечләргә мөрәҗәгать итте.
Кулланучыга «Кулланучылар хокукларын яклау турында» РФ Законының һәм «Корал турында» Федераль законның 25 маддәсе аңлатылды. Тиешле сыйфатлы пневматик корал (пуля калибры 4,5 мм дан артмаган) алмашуга дучар ителми. 18 яшькә җиткән кешеләргә аны махсус рөхсәтсез саталар. Мондый коралны лицензия алмыйча сакларга һәм йөртергә мөмкин.
Шулай итеп, сатучының гамәлләрендә гамәлдәге законнарны бозу күренми. Кулланучыга сатып алганчы товарларның техник характеристикаларын яхшылап өйрәнергә тәкъдим ителде.