Күршелек бәйрәмендә консультация өстәле уздырдылар
Республика буенча киң колачлы күршелек фестивале старт алды. Ишегалларында бәйрәмнәр уза, йорт яны территорияләре халыкны җәлеп итү ноктасына әверелә, чөнки программада спорт, интеллектуаль һәм мәдәни вакыйгалар.
Түбән Камада күршелек фестивале «Татарстанда җәй» программасы кысаларында узды. Химиклар проспектындагы йорт ишегалдында халыкны төрле мәйданчыкларда мавыктыргыч чаралар көтә иде. Теләге булганнар мастер-классларда үз сәләтләрен күрсәтә, спорт ярышларында көчләрен һәм җитезлекләрен сыный, шулай ук интерактив зоналарда вакыт үткәрә алдылар.
Татарстан Республикасы Дәүләт алкоголь инспекциясенең Түбән Кама территориаль органының эчке базарны үстерү һәм координацияләү бүлеге хезмәткәрләре халыкның хокукый грамоталылыгын арттыру максатларында әлеге чарада катнаштылар – кулланучылар хокукларын яклау турындагы законнарның актуаль аспектларын аңлату белән консультация өстәле оештырдылар. Консультацияләр вакытында кулланучыларга төрле ситуацияләрдә эш итү кагыйдәләре буенча белешмәләр таратылды.