Яңа Чишмә районының хуҗалык субъектлары өчен гавами тыңлаулар узды
2025 елның 22 июлендә Яңа Чишмә муниципаль районының хуҗалык итүче субъектлары белән алкоголь һәм спиртлы продукцияне ваклап сату өлкәсендә хокук куллану һәм административ практика нәтиҗәләре турында ачык фикер алышу үткәрелде. Чара Татарстан Республикасы Дәүләт алкоголь инспекциясенең Чистай территориаль органы башлыгы Александр Панов рәислегендә узды. Чараның төп максаты - алкогольле һәм спиртлы продукцияне ваклап сату өлкәсендә хокук бозуларны эшкуарлар җәмәгатьчелеге белән әңгәмә кору юлы белән кисәтү.
Нәтиҗә: Территориаль орган башлыгы үз чыгышында алкоголь базарындагы законнар һәм контроль-инспекция эшчәнлеге өлкәсендәге яңалыклар, алкоголь базарындагы типик хокук бозулар һәм аларны булдырмас өчен күрелергә тиешле чаралар турында сөйләде. Ул билгеләп үткәнчә, басымны киметү һәм бизнесны үстерү өчен уңайлы шартлар тудыру максатларында контроль-күзәтчелек эшчәнлегендә профилактик чаралар уздыру өстенлекле юнәлеш булып тора, шуңа күрә хәзерге вакытта җаваплылыкка тартуга түгел, ә хокук бозуларны кисәтүгә басым ясала. Хуҗалык итүче субъектларга профилактика эшчәнлегенең мөһим элементы булып эшкуарлык субъектларына контроль (күзәтчелек) законнарын үтәү өлкәсендәге хаталарны булдырмау чаралары турында мәгълүмат бирү тора, ул шул исәптән «Тикшерелгән бизнес» эшкуарлар өчен контроль (күзәтчелек) эшчәнлеге турында мәгълүмат порталында урнаштыру юлы белән дә гамәлгә ашырыла. Профилактика материаллары комплексы Татарстан Республикасы Дәүләт алкоголь инспекциясе сайтында http://gosalcogol.tatar.ru/rus/ «Дәүләт контроле (күзәтчелеге)» бүлегендә урнаштырылган. Чарада катнашучыларга аларның эшчәнлеге мәсьәләләре буенча тәкъдимнәр һәм кисәтүләр әйтергә, конкрет ситуацияләрне ачыкларга, туган сорауларга җавап алырга мөмкинлек бирелде.